曾鈺成乜仲有資格做立法會主席咩？

有片有真相。

Question Time搞到咁膠，曾鈺成同曾蔭權真係不知所謂。

曾鈺成做得錯到最離譜，梁國雄提出「規程問題」四個字，呢個尚方寶劍，主席唔係堅持趕梁國雄出去，而係處理咗規程問題，呢個係基本會議常識，曾鈺成為咗維護曾蔭權維護到不理常規，呢個亦係泛民議員walk out嘅原因。小弟睇咗成段片，黃毓民明顯問緊問題，我睇唔到有人犯錯。而趕梁國雄出去，更屬無私顯見私，超錯。

曾蔭權EQ我諗都唔係國家機密，而佢當眾話人係黑社會又無俾證據，呢種濫用特權保護嘅作為，曾鈺成正確做法係要求曾蔭權收番句嘢，唔肯嘅，結束Question Time。如果喺House of Commons，首相對住Backbench議員咁講嘢，仲唔全民鬧爆？

曾鈺成完全無資格做立法會主席，呢次表露無遺。