今日阿婆金句

晚上十一時，阿婆忽然從客廳「散步」到我的書房......

婆：你今晚食咁少飯，一陣又走去廚房揾嘢食，老鼠仔咁...

芝：咁點好？

婆：我可以炒飯比你食㗎...

芝：好喎！好嘢！有炒飯食！好好呀！

（半小時後，阿婆步進我房，手中攞住一碗炒飯宅，食緊）

芝：我又食！

婆：無喇！

芝：下？你唔係整比我食嘅咩？

婆：唔係呀！

芝：原來你炒比自己食㗎咋？車！我頭先聞到香，仲鬼咁開心...唔係！廚房一定仲有！

婆：無喇（一直食）

芝：車！！！你做咩半夜食炒飯呀？

婆：肚餓囉！

芝：車！我又無！

婆：羅漢果水你飲唔飲？

芝：唔飲！

婆：無喇，得一杯羅漢果水咋！

（十五分鐘後，阿婆將一杯羅漢果水放在我桌上）

芝：唉！！！

（我打開羅漢果水，竟然是......炒飯！！！原來條女特登將炒飯放喺平日裝羅漢果水個保暖杯裡面！）

（'-.-） （-.-'） （'-.-）（-.-'）（'-.-） （-.-'） （'-.-） （-.-'） （'-.-）（-.-'）（'-.-）（-.-'）（'-.-）（-.-'）（'-.-）（-.-'）（'-.-）（-.-'）（'-.-）（-.-'） （'-.-）（-.-'）（'-.-）（-.-'）（'-.-）（-.-'）（'-.-）（-.-'）

今日阿婆整蠱芝see菇bi呀！好變態呀！

芝：妖！你整我！

婆：（奸笑）仲以為你唔飲添！

芝：其實點解你咁想炒飯比我食呀？

婆：...你話肚餓吖嘛！

芝：我就知道唔係囉！係頭先有人嚟食飯淨番好多飯，所以你想盡快sell啲飯。

婆猛點頭。再奸笑。