有得揀才是老闆

三週前，廿七歲半，終於上班，做第一份全職。

第一天，人事部跟我說：我們還沒有給你安排工作，這星期會給你幾個面試，你也可以在公司網頁裏找找工作，下星期再算。

公司規模頗大，有人種田，有人打魚，有人劏牛，有人炸雞，有人煮飯，有人餵豬，有人堆肥，諗到既都有，諗唔到都可能有。打開網頁，好鬼多team請人，就是沒開我果範。

進入這大農場工作，某程度上，是離開了我的comfort zone。跟之前四年在研究院做的，幾乎零關係。

後來見過四個經理，各管不同部門。第一次見，就是經理自介一次，然後傾傾計。合心水的就再找經理的幾個手下再傾。

傾過，明白到其實他們不過是要找人揼石仔。背景不重要，學歷不重要，肯出力就好。

也就是說，宜家輪到我揀：究竟我喜歡揼哪種石？

又或者說，有得揀你先係老闆。又或者，有得揀就最煩。

煩就煩在我怕日後後悔今日的選擇。常把工作上的選擇比喻為投資：我投入自己的青春，當然望有高回報。

問題是，應該怎樣揀？應該怎樣evaluate面前咁多種石仔。

我怕他朝後悔，只求當下出盡奶力。

經理之所以為經理，就因為他們吹得，因為他們喜歡遊花園。他們轄下的裸蓆都是大農場的主要業務，沒了他地球就不會轉，所以好重要，所以好需要你這樣的人才。所以，經理的話不能盡信。

某高人曾跟我說過，自己轉工前，晚晚唔瞓做due d，盡爬背景資料。

於是，我幾個晚上把幾個裸蓆幾年以來的會議紀錄演講概要開發日程人員背景都約略爬了幾次，雖然看得一頭霧水，但總好過冇。再約經理手下們傾傾，補回空白資料。

分析過後，面前的石仔，有低風險低回報，有中風險中回報，有高風險高回報。我傾向後者。

最後，我問那經理：點解你覺得呢個裸蓆兩年內唔會摺埋？

其實我不太在意那裸蓆會否摺埋，worst case不過是我再去搵工。只是我想知他的回應而已。

盡了自己所能，evaluate遍面前的選擇，他日應該無悔。

而我，就在這大農場內，開始了堆肥的生活。