尋找新右手

标签: 右手 | 发表时间:2011-05-03 20:04 | 作者:CK pennylqy
出处:http://manincentral.blogspot.com/
「老婆,記唔記得阿Fred同Chrissy結婚果陣,同你一齊做姊妹果個Kathy?」我問。

「梗係記得啦…」老婆笑得有點蠱惑:「靚女Kathy嘛,你地兄弟團班兄弟個個都眼定定望到實果個丫嘛,點會唔記得?」

「你覺得佢個人OK嗎?」我問得一臉認真。

「hmmm… 」老婆既答案有點猶疑:「見得佢咁少時間,好難答你喎。 不個佢唔係太出聲架。初初見佢個個都覺得佢好cool,不過大家做落野之後又覺得其實佢都幾好人。老公,仲乜問埋d咁既野?」

「冇…」我嘆左一口大氣:「佢今日黎過見工,見Kelly個位。」

*****

唔記得邊個大粒佬講過,企業去到唔同既階段,會需要唔同款色既領袖。

Kelly突然辭職之後,我急不及待去找尋補替佢既人。Kelly入黎做既時候,係個二十出頭既小妹妹。佢係我一手一腳訓練出黎既員工,所以佢處事既手法,同我心目中所期望既好相似。點知到佢走啦,找尋佢既補替時,困難卻出現。

尋找過程既初期,我嘗試去找尋一個同Kelly風格相似既人,因為我覺得咁樣應該會使公司過渡既風險減到最低。不過人係獨立既個體,要搵一個style相似,能力又相若既人,邊有咁易?

Headhunter refer左好幾個candidates俾我,有行內既,又有行外既。因為係請GM,Headhunter send過黎既人,大部份響原先既公司,職位都唔會太低。全部都係醒目仔醒目女,interview表現個個都誇啦啦,而且有track record backup,要揀,其實都幾難。

Kathy係Headhunter refer既其中一人,面試時,第一眼我就覺得好面熟。如果我要講以前Kelly既強項,我諗應該係佢圓滑既處事手腕,同埋平衡各方利益既能力。Kelly俾人既感覺一d都唔aggreesive,而且外表傾向柔弱同親切。我唔知呢個特質係咪幫到佢去處理好多難搞既人際關係問題。至於Kathy,感覺同Kelly實在有好大好大既分別。

Kathy比Kelly樣子更加標緻,我諗佢絕對屬於果種會吸引男人眼球既類型。不過漂亮既同時,感覺卻冰冷得要命。我同佢既interview裡面,佢答我問題既答案,普遍都比較精簡,不過精簡得黎,其實都幾到point。可能Kathy係行外人,對於佢一d對行業既睇法,我事實上係諗都未諗過。響今次請GM既過程,我In過既人裡面,有行內既,亦有行外。行內人既好處係熟手,呢個唔駛講都明啦。不過唔好處係,一切都太過理所當然,亦唔會有d乜野新既角度。In左幾個之後,我覺得個個都差唔多,質素係唔差,不過冇乜驚喜。

後來我要求Headhunter幫我嘗試搵d行外人俾我見,情況反而讓我覺得有點意外收獲。冇錯,佢地對行業既認識或者唔夠我多,不過每次Interview既過程裡面,我卻覺得自己都有得著。一個行外人點睇我地呢一間公司,點睇我地既發展,往往會出現一些讓我意想不到既idea,讓我覺得,呢一堆interview,居然令我學到唔少野。

Interview去到尾聲,我忍唔住問Kathy:「你好面熟,我其實之前係咪見過你?」

呢句對白「老土」既程度,連我講完都覺得自己好樣衰。

「係呀。」Kathy還是冷冰冰地點了點頭:「Fred同Chrissy既wedding上面我地見過啦。我同你太太一齊做姊妹。」

原來佢老早就認得。

相比其他candidates,Kathy係咪特別好,特別適合接替Kelly?我唔敢講。不過當你見左一大堆人,而呢一大堆人既條件同表現又相若既時候,有兩樣野好明顯係會帶來一點優勢:

1)靚女;
2)原來你疑似「認識」呢個人。

睇到呢度,你大概響度笑我,揀GM居然會如此兒嬉?

朋友,就算你唔兒嬉,好科學好認真地選擇呢個人,你其實又有幾多把握,會揀得比我呢個兒嬉既方法好?

請人,其實從來都只是靠感覺。

相关 [右手] 推荐:

尋找新右手

- pennylqy - 人在中環
「老婆,記唔記得阿Fred同Chrissy結婚果陣,同你一齊做姊妹果個Kathy. 「梗係記得啦…」老婆笑得有點蠱惑:「靚女Kathy嘛,你地兄弟團班兄弟個個都眼定定望到實果個丫嘛,點會唔記得. 「hmmm… 」老婆既答案有點猶疑:「見得佢咁少時間,好難答你喎. 初初見佢個個都覺得佢好cool,不過大家做落野之後又覺得其實佢都幾好人.

左右手的脑力较量

- 什么原因 - 果壳网 guokr.com - 果壳网
饭桌上,当你拿起筷子,左边就坐的美女发出了惊呼,“你是左利手呀. ”语气中带着点有意外和羡慕,因为“左利手更聪明”的想法早就深入人心了. 不过,这个说法有多少科学上的依据呢. 关于智商和左右利手之间的关系早在70多年以前就开始了. 1933年,巴克内尔大学的心理学家让339名新入学的男学生接受智商测试,随后,这些学生又接受了左右两只手的力量测试.

【一分钟科普】习惯用右手的人更喜欢选在右侧的

- Marc - 译言-每日精品译文推荐
来源【一分钟心理】Right-Handers Tend Prefer The Right Side. Recent research in the journal Psychological Science found that righties tend to prefer the right side of anything (spatially speaking) and lefties the left.